وۆركشۆپى نێودەوڵەتى توێژينەوە و تاقيكردنەوە وەرزشيەكان بەڕێوەچوو

ڕۆژى چوارشەممە ٢٠١٩/٣/٢٧ لە هۆڵى سەرۆكايەتى زانكۆى كۆيەـ وۆركشۆپى نێودەوڵەتى توێژينەوە و تاقيكردنەوە وەرزشيەكان و فێربوونى جولە لە ئێستا و دوارۆژدا بەڕێوەچوو. كە لە لايەن سكوڵى پەروەردەى وەرزشى زانكۆمانەوە ڕێكخرابوو.

بە ئامادەبوونى بەڕێز پ.د.وەلى مەحمود حەمەد سەرۆكى زانكۆ و ياريدەرانى و مامۆستايان و خوێندكارانى سكوڵى وەرزش وۆركشۆپەكە دەستى پێكرد، دواى پێشكەشكردنى وتارى سەرۆكى زانكۆى كۆيە و سەرۆكى سكوڵى پەروەردەى وەرزش لە بارەى گرنگى ئەم بابەتە و گواستنەوەى ئەزموونى پسپۆرانى ئەم زانستە بۆ كوردستان و زانكۆمان.

پاشان لە لايەن وانەبێژانى وۆركشۆپەكەوە، لە چەند پانێڵێكدا، بابەتەكانيان پێشكەش كرد.