سەرۆكى زانكۆى كۆيە بەشدارى لە كۆنفرانسێكى نێودەوڵەتى دەكات

بە نوێنەرايەتى زانكۆى كۆيە و بەهاوبەشى لەگەڵ زانكۆكانى دهۆك و هەولێرى پزيشكى، بەڕێز پ.د.وەلى مەحمود حەمەد سەرۆكى زانكۆى كۆيە بەشدارى لە كۆنفرانسێكى نێودەوڵەتى كرد لە وڵاتى ماليزيا.

كۆنفرانسەكە بە ناونيشانى (Higher Education Partnerships for societal Impact) لە ڕۆژانى ١٣-١٥/ ١١/ ٢٠١٨ لە شارى كوالالامپور بەڕێوەچوو لە لايەن كۆمەڵەى نێودەوڵەتى زانكۆكانى جيهان و بە ميواندارى زانكۆى مەلايە.

زانكۆى كۆيە بۆ يەكەمجارە بەشدارى لەم كۆنفرانسە نێودەوڵەتيەدا دەكات. ئەم كۆمەڵەيە لە ساڵى ١٩٥٠ەوە دامەزراوە و لەژێر چاودێرى ڕێكخراوى نێودەوڵەتى يۆنيسكۆيە.

لە لايەن كۆنفرانسەكەوە ٣٠٠ كەس بانگهێشت كرابوون لە ٧٠ ولاتى جيهانەوە. هاوكات ڕۆژانى كۆنفرانس ٦٥ بابەتى جياواز و پەيوەنديدار بەيەك لە لايەن توێژەران و ئامادەبووانەوە گفتوگۆيان لە بارەوە كرا.

بابەتەكانى لە كۆنفرانسدا پێشكەشكران ئەمانەبوون:

• The role of higher Education , a global common good.

• Inter Nationalization of societal Impact.

• Community engagement.

• Living Values for sustainable partnerships and societal impact.

• Financing higher Education for the Global common good.

• Digital transformation : higher education and society.

• Privet sector engagement.

• Regional Centers of Expertise an Education for sustainable development.

• partnership between campus community.

• Adapting to or Shaping a transforming world.

• Social responsibility and engagement ; the way for ward.

• Teaching and learning for societal impact.

• Sustainable Development through multi stake holder collaboration.

• Engagement and Social commitment , from Local to global initiatives.

وەفدى زانكۆكانى كوردستان بەگوێرەى كاتەكان و ماوە و گرنگى بابەتەكان بەشداربوون لە زۆرينەى گفتوگۆكان.

لەكۆتايى ڕۆژەكان و كۆتايى هاتنى بەرنامەى كۆنفرانسەكە، سەرۆكى زانكۆ لەگەڵ چەندين سەرۆكى زانكۆ و نوێنەرى زانكۆكانى بەشدار گفتوگۆ و ڕاگۆرينەوەى دەكرد.

لە ميانەى گفتوگۆكاندا سەرۆكى زانكۆى كۆيە باسى كلتور و گەشەسەندنە زانستى و ئەكاديميەكانى زانكۆكانى كوردستان و زانكۆى كۆيەى دەكرد و ڕوونكردنەوەى پێويستى دەخستەڕوو.

لە فيدباكى گفتوگۆكاندا نوێنەرى زانكۆكان هەستى خۆشحاڵى خۆيان دەردەبرى بۆ لە نزيكەوە سەردانيكردنى كوردستان و زانكۆى كۆيە، وێڕاى بوونى پلان بۆ كارى هاوبەش لە ئايندەدا.

سەرنجى بەشداربووان و گرنگى پێدانيان تايبەت بوو بە زمانى خوێندن و گرنگى و ڕەسەنايەتى توێژينەوەى زانستى، وێڕاى پەيوەست كردنى خوێندنى باڵا بە كۆمەڵگەى لۆكاڵى جيهانى .

لە كۆتايى كۆنفرانسەكەدا ڕاگەيەندرا كۆنفرانسى ئايندە لە ڕۆژانى ١٣-١٥/ ١١/ ٢٠١٩ لە وڵاتى مەكسيك دەبێـت.