ISSUE 22 (2016)

پێشكەشكردنى ماستەر و دكتۆرا دەستى پێكرد

بەگوێرەى ڕێنماييەكانى وەزارەتى خوێندنى باڵا و توێژينەوەى زانستى، زانكۆى كۆيە خوێندنى باڵا دەكاتەوە لە ساڵى خوێندنى ٢٠١٦-٢٠١٧، بۆ ئەم مەبەستە خوازياران دەتوانن لە مڕۆوە داواكارى پێشكەشى ماستەر و دكتۆرا بكەن.

شاندێكى زانكۆى كۆيە سەردانى زانكۆكانى وڵاتى ئێرانى كرد

شاندێكى زانكۆى كۆيە بە مەبەستى دروستكردنى پەيوەندى ئەكاديمى لەگەل چەند زانكۆيەك سەردانى ولاتى ئێرانى كرد و ژمارەيەك ياداشتنامەى لێكگەيشتنى واژۆكرد لەگەل زانكۆ بەناوبانگەكانى ئەو وڵاتە.

ڕۆژى هەينى ٢٨/ ١٠/ ٢٠١٦ شاندەكەى زانكۆى كۆيە بەسەرۆكايەتى بەڕێز پ.ى.د.وەلى محمود حەمەد سەرۆكى زانكۆ گەيشتنە وڵاتى ئێران، ئەجێنداى سەردانەكە بينين و گفتوگۆلە خۆدەگرێت لەگەڵ بەرپرسانى چەند زانكۆى وڵاتى ئێران.

سەرۆكى يەكێتى زانكۆكانى وڵاتانى عەرەب سەردانى زانكۆى كۆيەى كرد

ڕۆژى يەك شەممە ٢٠١٦/١٠/٣٠ كاتژمێر ٣ى عەسر بەڕێز دكتور سلطان أبو عرابي العدوان سەرۆكى يەكێتيەكە بەياوەرى بەڕێزان پ.ى.د.ئەحمەد دزەيى سەرۆكى زانكۆى سەڵاحەدين و د.محمد سديق خۆشناو سەرۆكى زانكۆى لوبنانى فەرەنسى لە لايەن بەرێزان پ.ى.د.سەعيد ساڵح حەمەدەمين ياريدەدەرى سەرۆكى زانكۆ بۆ كاروبارى كارگێڕى و دارايى و پ.ى.د.حەيدەر لەشكرى ياريدەدەرى سەرۆكى زانكۆ بۆ كاروبارى زانستى و خوێندنى باڵا و ڕاگرى فەكەڵتيەكانى ئەندازيارى و زانست و تەندروستى و ئەميندارى ئەنجوومەن و بەڕێوەبەرى ڕاگەياندنى زانكۆوە پێشوازى كران.