بەبەشدارى وەفدێكى زانكۆى كۆيە ، كۆڕبەندێكى جيهانى دەكات لە وڵاتى ڕوسيا بەڕێوەچوو

وەفدێكى زانكۆى كۆيە بەشدارى كرد لە كۆڕبەندى جيهانى زانكۆكانى كە پسپۆڕى سروشتيان هەيە لە شارى سانپترسپۆرگ لە وڵاتى ڕوسيا لە ڕۆژانى ٢٨/ ٩ تاوەكو ١/ ١٠/ ٢٠١٦.

شاندێكى زانكۆى كۆيە كە پێكهاتبوون لە بەڕێزان پ.ى.د.وەلى مەحمود حەمەد سەرۆكى زانكۆ و پ.ى.د.محەمەد حەسيب زەنگەنە ڕاگرى فەكەڵتى ئەندازيارى بەشدارييان كرد لە كۆڕبەندى جيهانى زانكۆكانى بوارى سەرچاوەكان بۆ گەشەكردن و بەردەوامى كە بۆماوەى چوار ڕۆژ بەردەوام بوو.

زانكۆى كۆيە وەك يەكەم زانكۆ لە سەر ئاستى كوردستان بەشەكانى نەوت و كيمياوى دامەزراندووە بۆيە بانگهێشت كراوە بۆ ئەم كۆڕبەندە.

لە چوارچێوەى كۆڕبەندەكەدا شاندەكەى زانكۆى كۆيە ژمارەيەك ديدارى زۆر گرنگى ئەنجامدا لەگەڵ زانكۆكانى بەشداربوو لەسەر ئاستێكى باڵا بۆ دروستكردنى پەيوەندى هاوكارى و ئەكاديمى. لە ئەنجامى چاوپێكەوتنەكان زانكۆكان خۆشحاڵى خۆيان دەربڕى بۆ دروستكردنى پەيوەندى لەگەڵ زانكۆى كۆيە بۆ واژوكردنى ياداشتنامەى لێكگەيشتن لە ماوەى داهاتوودا.

شاندەكەى زانكۆى كۆيە لەگەڵ ئەم زانكۆيانەى خوارەوە ديدار و چاوپێكەوتنيان ئەنجامدا :

- Saint petersburg Main University ڕوسيا

-Montan University نەمسا

-industrial university of tyumen ڕوسيا

- Pusan National University (PNU) كۆرياى باشوور

- China University of Geosciences چين

- Shahid Bahonar University of Kerman ئێران

- Ukhta State Technical University ڕوسيا

- tafila technical university ئوردن

هەر لە زانكۆى سانپترسپۆرگ كە ڕێكخەرى كۆڕبەندەكە بوو، شاندى زانكۆى كۆيە سەردانى فەكەڵتى ئەندازيارى نەوت و گازى كرد و لە نزيكەوە چاوى كەوت بە تاقيگەكانى ئەو فەكەڵتيە ، هەروەها ئاستى خوێندن و پەيوەنديان لەگەڵ كەرتى پيشەسازى تاوتوێ كرد.

ئەم كۆڕبەندە ڕۆژانى ٢٨/ ٩ تاوەكو ١/ ١٠/ ٢٠١٦ بەردەوام بوو، تێيدا١٢٠ زانكۆ بە نوێنەرايەتى ٦٠ وڵاتى جيهان بەشداريان تێيدا كرد و بۆ يەكەمجارە وەفدێك لە كوردستان و وڵاتى ئێراقەوە بەشدارى تێدا بكات.

كۆڕبەندى سانپترسپۆرگ چوارەمين كۆڕبەندە لە دواى كۆڕبەندى ئەڵمانيا، يابان، نەمسا ئەنجام دەدرێت.

كليك لێرە بكە بۆ خوێندنەوەى زانيارى زياتر لە پێگەى فەرمى كۆڕبەند.

ئامادەكردنى / ژوورى هەواڵ