خولى ڕاهێنانى پيشەيى كۆتايى هات

ڕۆژى دووشەممە ٢٠١٩/٢/١٨ لە هۆڵى سەرۆكايەتى زانكۆى كۆيە، مەراسيمى كۆتايى هاتنى خولى ڕاهێنانى پيشەيى بەڕێوەچوو.

بە ئامادەبوونى بەڕێزان سەرۆكى زانكۆى كۆيە و نوێنەرى ڕێخراوى يونيدۆى يابانى و كونسوڵى يابان و جێگرانى سەرۆكى زانكۆ و مامۆستايانى خولەكە و بەشداربووان، مەراسيمەكە بەڕێوەچوو.

سەرەتا لە لايەن بەڕێز پ.د.وەلى مەحمود حەمەد سەرۆكى زانكۆى كۆيە، وتارى زانكۆى كۆيە خوێندرايەوە، سەرۆكى زانكۆى كۆيە لە وتەكەيدا ئەو هەنگاوەى بەرزنرخاند و دەستخۆشى و سوپاس و پێزانينى زانكۆ و شارى كۆيەى بە حكومەتى يابان راگەيان بۆ پاڵپشتى كردنيان لەم پرۆژەيەدا.

هەروەها وتارى كونسوڵخانەى يابان خوێندرايەوە لە لايەن بەڕپرسى پەيوەنديەكانى كونسوڵخانە، وێڕاى پێشكەشكردنى وتارى ڕێكخراوى يونيدۆ و نوێنەرى بەشداربووانى ڕاهێنانەكە.

ئەمە پرۆژەى بەڕێوەبەرايەتى بەكارخستنى زانكۆمان و ڕێكخراوى يونيدۆى يابانى بوو بە پشتيوانى دارايى حكومەتى يابان كە خۆى دەبينيەوە لە دوومانگ ڕاهێنان و لە كۆتاييشدا پاڵپشتى دارايى بە بڕى ٢٠ هەزار دۆلار بۆ پرۆژە پێشكەشكراوە سەركەوتووەكانى خولەكە.