سيمپۆزيۆمى ستراتيژى نوێى زانكۆى كۆيە بەڕێوەچوو

ڕۆژى دووشەممە ٢٠١٧/١٠/١٦ لە هۆڵى سەرۆكايەتى زانكۆ سيمپۆزيۆمێكى تايبەت بە ستراتيژى نوێى زانكۆى كۆيە بەڕێوەچوو.

بە ئامادەبوونى بەڕێزان سەرۆكى زانكۆ و ياريدەدەرەكانى و مامۆستايانى زانكۆمان، كاتژمێر ١١ى پێش نيوەرۆ سيمپۆزيۆمەكە دەستى پێكرد بە ناونيشانى (ستراتيژى نوێى زانكۆى كۆيە – رووبەڕووبونەوە و داهاتوو)، لە سپيمۆزيۆمەكەدا لە بارەى ئەم بابەتانەى خوارەوە گفتوگۆكرا:

١- ستراتيژى نوێى زانكۆ لە بوارى بڵاوكردنەوەدا.

٢- سیاسەت و ڕێنماییەکانى بڵاوکراوە ئەکادیميیەکان.

٣- گۆڤارى نوێى زانكۆ: گۆڤارى زانستە مرۆڤايەتى و كۆمەڵايەتييەكانى زانكۆى كۆيە

٤- سياسەتى پاداشتى بڵاوكردنەوە لە زانكۆدا.

٥- پێگەى زانكۆى كۆيە لە ريزبەندى نيشتيمانى و وێبۆمێتريكدا.