بە پشتيوانى زانكۆى كۆيە، ئۆكێستراى كۆيە ڕاگەيەندرا

لە هۆڵى سەرۆكايەتى زانكۆى كۆيە ڕۆژى چوارشەممە ٢٠١٨/١٢/٢٦ بە ئامادەبوونى ژمارەيەكى زۆر مێوان لە شارى كۆيە و لە لايەن ژمارەيەك لە گەنجى ميويزكژەنى كۆيە، ئۆركێستراى كۆيە ڕاگەيەندرا.

لە لايەن سەرپەرشتيارى ئۆركێستراكەوە بەڕێز دەوەن مەولود وتارێك لە بارەى ئامانجەكانى دامەزراندنى ئۆركێستراكەوە پێشكەشكرا، پاشان لە لايەن بەڕێز پ.د.وەلى مەحمود حەمەد سەرۆكى زانكۆوە وتەيەك پێشكەشكرا كە ئاماژەى بەوەدا وەك سەرۆكايەتى زانكۆى كۆيە پشتيوانى دامەزراندنى ئەم ئۆركێسترايە دەكەين و "لايەنى هوونەرى هەميشە لە لايەن زانكۆى كۆيەوە بە گرنگ سەير كراوە بۆيە هەموو جۆرە پشتيوانيەك لەم بابەتەدا دەكەين كە لە تواناماندا بێت" هيواى سەركەوتنيشى بۆ خواستن.