بۆ جێبەجێكردنى پڕۆژەكان ، بەدواداچوونەكانى سەرۆكى زانكۆ بەردەوامە

بە مەبەستى بەدواداچوونى جێبەجێكردنى پرۆژەكانى زانكۆمان، بەڕێز سەرۆكى زانكۆ بە ئامادەبوونى بەڕێوەبەرى ئەندازە و پرۆژەكان و تەندروستى و سەلامەتى، پرۆژەى باڵەخانەى تاقيگەكانى فەكەڵتى ئەندازى و بەشەناوخۆييەكان و پرۆژەكانى سكوڵى پەروەردەى وەرزشى بەسەركردەوە.

رۆژى شەممە ٢٦ / ١٢ / ٢٠١٥ كاتژمێر ١٠ى بەيانى بەڕێز پ.ى.د.وەلى مەحمود حەمەد سەرۆكى زانكۆ بە ئامادەبوونى بەڕێزان بۆتان ئەنوەر بەڕێوەبەرى ئەندازە و پرۆژەكان و ڕێبوار تاهير بەڕێوەبەرى تەندروستى و سەلامەتى، باڵەخانەى تاقيگەكانى فەكەڵتى ئەندازيارى بەسەركردەوە و لە هەنگاوەكانى جێبەجێكردنى كۆڵيەوە، بەڕێزان سەرپەرشتيارانى پرۆژەكە دڵنيايياندا لە ئاييندەيەكى زۆر نزيكدا كۆتايى بەكاركردن دەهێنن و ئامادە دەبێـت بۆ بەكارهێنان.

پاشان سەردانى باڵەخانەى بەشە ناوخۆييەكانى كرد و بەدواداچوونى كرد بۆ جێبەجێكردنى پرۆژەى چاككردنى باڵەخانەى بەشە ناوخۆيى ژمارە پێنج، كە شەوى سێ شەممە ٢٤ / ١١ / ٢٠١٥ لە ميانەى سەردانيدا بەڵێنى چاككردنيدابوو بۆ زانيارى زياتر كليك لێرە بكە.

دواتر سەردانى پرۆژەكانى سكوڵى پەروەردەى وەرزشى كرد و لە دوايين هەنگاوەكانى كاركردن و جێبەجێكردنى پرۆژەكەى كۆڵيەوە و هيواى سەركەوتنى بۆ خواستن.

ئامادەكردنى : ژوورى هەواڵ

وێنەكان : دڵشاد كاكەڕەش