پرۆفيسۆردكتۆر كرماج گوندى سيمينارێكى لەزانكۆى كۆيە پێشكەش كرد

ئەدای ئەخلاقی لە بواری کارکردندا ، ناونيشانى ئەو سيمينارەبوو كە ڕۆژى٢٠/ ١٢/ ٢٠١٨ لەلايەن بەرێز پرۆفیسۆر دكتۆر کرمانج گوندی ، مامۆستای زانکۆی تێنسی لە ئەمریکا لەرێگاى بەشي مێژووى فاكەلتى پەروەردەو بەهاوکاری و هاوبەشی لەگەڵ سەرۆکایەتی زانکۆ پێشكەش كرا .

لە سمينارەكەدا كە بەڕێزان سەرۆكى زانكۆ و ياريدەدەرەكانى و مامۆستايان و خوێندكارانى زانكۆمان ئامادەى بوون. سەرەتاى سيمينارەكە كورتەيەك لە ژياننامەو كارو چالاكى و بەرهەمەكانى پرۆفيسۆر دكتۆر كرمانج گوندى لەلايەن دكتۆر هۆشمەند على خوێندرايەوە ، دواتر بەرێز پرۆفيسۆر دكتۆر وەلى مەحمود حەمەد سەرۆكى زانكۆى كۆيە لەمبارەيەوە وتەيەكى پێشكەش كرد .

پاشان بەرێز پرۆفيسۆركرماج گوندى ، بۆ ماوەى كاتژمێرێك سيمينارەكەى پێشكەش كرد.

دواتر لەلايەن ئامادەبوانەوە كۆمەڵێك پرسيارو سەرنج و تێبينى خرانەروو كە بابەتەكەى زياتر دەوڵەمەند كرد و لە لايەن دكتۆر كرمانجەوە وەلاميان درايەوە. دواى تەواو بوونى سيمينارەكەش لەلايەن سەرۆكى زانكۆى كۆيەوە ديارى زانكۆ پێشكەش بەبەرێز دكتۆر كرمانج كرا .

ئامادەکردنی . محمد مغدید

وێنەكان دڵشاد كاكەرەش