ISSUE 16 (2016)

سێ مامۆستاى زانكۆى كۆيە بەشدارن لە كۆنفرانسێكى نێودەوڵەتى زانكۆى سەڵاحەدين

سێ مامۆستاى فەكەڵتى ئەندازيارى زانكۆمان بە توێژينەوەى ڕەسەن و ئاست بەرز بەشداريان كردووە لەيەكەمين كۆنفرانسى نێودەوڵەتى كۆليژى ئەندازيارى زانكۆى سەڵاحەدين كە ڕۆژانى ١٢ – ١٤ نيسانى٢٠١٦ بەڕێوە دەچێت.

پرۆسەى بە ئەليكترۆنيكردنى كتێبخانەى زانكۆى كۆيە بەردەوامە

كتێبخانەى زانكۆى كۆيە لەسەرەتاى ساڵى ٢٠٠٦ دروستكراوە و گەشەپێدەرى كتێبخانەى كۆلێژى پەروەردە بووە كە لە سەرەتاى ساڵى ٢٠٠٢ دروستكراوە. كتێبخانەكە خاوەنى ٧٠ هەزار پەرتووك و سەرچاوەى زانستيى بەبايەخە و پێداويستيەكانى خوێندكاران لە سەرچاوەى زانستى دابين دەكات. لە ئێستادا پرۆسەى بە ئەليكترۆنيكردنى چەند قۆناغێكى بڕيوە و لە ئاييندەيەكى نزيكدا كۆتايى پێ دێت.

كونسوڵى وڵاتى سودان سەردانى زانكۆى كۆيەى كرد

ڕۆژى پێنج شەممە ١٤ نيسانى ٢٠١٦ كاتژمێر ١١ى پێش نيوەڕۆ بەڕێز پ.ى.د.وەلى مەحمود حەمەد سەرۆكى زانكۆى كۆيە پێشوازيكرد لە بەڕێز ياسين عوض اسماعيل كونسوڵى وڵاتى سودان لە شارى هەولێر.