(7) تاقیکردنەوەی توانستی زانستی بۆ خوازیارانی خوێندنی باڵا بەڕێوە چوو
ئەمڕۆ دووشەممە، ڕێکەوتی ١٠/ ٢/ ٢٠٢٠ کاتژمێر ١١ی سەرلەبەیانی تاقیکردنەوەی توانستی زانستی بۆ خوازیارانی خوێندنی باڵا (دبلۆمی باڵا، ماستەر و دکتۆرا) لە زانکۆمان بەڕێوە چوو.
لەژێر چاودێری بەڕێز پ.د. وەلی مەحمود (سەرۆکی زانکۆ)، بەڕێز پ.ی.د. حەیدەر لەشکری (یاریدەدەری سەرۆکی زانکۆ بۆ کاروباری زانستی و خوێندنی باڵا) و بەسەرپەرشتی لیژنەیەکی تایبەت و نھێنی، لە نوێنەرایەتیی فاکەڵتییەکانی زانکۆ تاقیکردنەوەی توانستی زانستی بۆ خوازیارانی خوێندنی باڵا لە بەشەکانی فاکەڵتیی پەروەردە، زانستە مرۆڤایەتی و کۆمەڵایەتییەکان، سکوڵی وەرزش، بەشەکانی فاکەڵتیی ئەندازیاری و فاکەڵتیی زانست و تەندروستی لە ھۆڵەکانی فاکەڵتی ئەندازیاری و فاکەڵتی زانستە مرۆڤایەتییەکان ئەنجام درا.
شایەنی باسە ژمارەی بەشداربووان و کورسییەکان بریتی بوون لە:
١٠٤ بەشداربووی دبلۆمی باڵا بۆ ١٣٥ کورسی
٤٢٣ بەشداربووی ماستەر بۆ ١٩٥ کورسی
١٣٦ بەشداربووی دکتۆرا بۆ ١١٥ کورسی
ئامادەکردن: عەبدوڵڵا عوسمان عەلی
وێنە: دڵشاد کاکەڕەش