ISSUE 18 (2016)

مامۆستايەكى زانكۆى كۆيە بەشدارى دەكات لە كۆنفرانسێكى نێودەوڵەتى لە ئەمريكا

پرۆفيسۆرى ياريدەدەر دكتۆر سەحەر باسم قەيسى مامۆستاى بەشى ئەندازيارى تەلارسازى – فەكەڵتى ئەندازيارى بە نوێنەرايەتى زانكۆى كۆيە و وڵاتى عێراق بەشدارى كرد لە كۆنفرانسێكى نێودەوڵەتى کۆمەڵەی مێژوونوسانی تەلارسازی لە ئەمریکا و سمينارێكى پێشكەشكرد، وێڕاى ئەندام بوون لەو ڕێكخراوە جيهانيەدا، دكتۆر سەحەر وەك باڵيۆزى ڕێكخراوەكە لە وڵاتدا دەتوانێت كار بكات.

ئەنجامەکانی خولی دوهەمی پرۆژەی مرحبا ڕاگەيێندرا

بەڕێز د دیلان مجید رۆستەم بەرپرسی پرۆگرامی مرحبا لە زانکۆی کۆیە لە لێدوانێک بۆ نووچەنامەی زانکۆ ئاماژە بەوە دەکات کە بە "گوێرەى ڕاگەيەندراوى پرۆگرامى مرحبا، زانكۆى كۆيە توانيويەتى ١١ سكۆلەرشيپ لە خولی ئەمساڵ بۆ خۆی مسۆگەر بكات، ئەمەش بە گشتی دەستکەوتێکی پڕباشە بۆ زانکۆی کۆیە. ئەم دەستکەوتە ئاستی خۆ باوەڕی و شییاوی خوێندکارانی ئێمە دەردەخات."

٨ كورسى بەكالۆريۆس، دوو ئاڵوگۆڕكردنى ستاف، يەك پۆست دكتۆرا، دەستكەوتى زانكۆى كۆيەيە لە پرۆگرامى مەرحەبا.

شاندێكى زانكۆى ڕاپەرين سەردانى زانكۆى كۆيەى كرد

بە مەبەستى پەرەپێدانى پەيوەنديە ئەكاديمييەكان، شاندێكى زانكۆى ڕاپەرين سەردانى زانكۆى كۆيەى كرد و كۆبوونەوەيەك بە ئامادەبوونى ئەنجومەنى هەردوو زانكۆ بەڕێوەچوو.

ڕۆژى چوار شەممە ٢٠١٦/٦/١ شاندێكى زانكۆى ڕاپەرين لە لايەن بەڕێزان سەرۆكى ئەنجو,مەنى زانكۆى كۆيە و ئەندامانى ئەنجوومەنەوە پێشوازيكران كە پێكهاتبوون لە سەرۆك و ئەندامانى ئەنجوومەنى زانكۆى ڕاپەرين.