كۆنفرانسى نێودەوڵەتى كۆيە لە ڕەوتى شارستانييەتدا بەڕێوەچوو

News #01 , Issue 52 Apr 2019 | Núcey #01 , Jhimarey 52, Mangí 04 Sallí 2019 | نوچەی 01، ژمارەى 52 - مانگی 04 ساڵی 2019




كۆنفرانسى نێودەوڵەتى كۆيە لە ڕەوتى شارستانييەتدا كە ماوەى (٣) ڕۆژى خاياند و كاتژمێر (١٠)ى سەرلەبەيانى ڕۆژى ٢٠١٩/٤/١ لە هۆڵى سەرۆكايەتى زانكۆ بە ئامادەبوونى سەرۆك و ياريدەدەرو مامۆستاو خوێندكارانى زانكۆى كۆيە و ژمارەيەكى زۆرى ميوانانى ناوەوەو دەرەوەى هەرێم و عيراق و بەبەشدارى پسپۆرو ئەكاديميانى ناوخۆو نێودەوڵەتى لە بوارەكانى شوێنەوارناسى و مێژوويى و جوگرافى و زمان و پسپۆڕى جياواز لە زانكۆكانى كوردستان و عيراق و چيك و نەمسا و ئەڵمانيا و پورتوگال دەستى بەكارەكانى كرد. 

لەڕۆژى يەكەمى كۆنفرانسەكەدا و لەدانيشتنى سەرلەبەيانيدا سەرەتا پ.د.وەلى محمود حمد سەرۆكى زانكۆى كۆيە وتارى زانكۆى پێشكەشكرد و پاشان وتارى لێژنەى زانستى لەلايەن پ.ى.د. حەيدەر لەشكرى ياريدەدەرى سەرۆكى زانكۆى كۆيە بۆكاروبارى زانستى پێشكەشكرا. 



قسەكەرە سەرەكيەكانى كۆنفرانس 

قسەكەرە سەرەكييەكانى بريتى بوون لە هەريەك لەمانە: 

پ.د. چينزا پاپى ، زانكۆى ئينسبروك-نەمسا و زانكۆى ئازادى بەرلين –ئەڵمانيا: (وەرە پێم بڵێ لە كوێ دەژى؟ وێناكردنى سەردەمانى كۆن و هۆشيارى كولتورى لەناوچەى كۆيە). 

پ.ى.د. جۆرج كۆڕيا ،زانكۆى مينهۆ –پورتوگال: فێربوون لەكۆيە :ئەكاديمياى زانين و مرۆڤگەرايى). 

پ.د. زەينەب بەحرانى، زانكۆى كۆلۆمبيا-ئەمريكا: ( ژينگەى مێژوويى : پاراستنى ڕابردوو لەئەمڕۆدا). 

پ.ى.د. نۆڤاجيك ، زانكۆى پالاسكى- چيك: (كۆيە لە سەدەكانى ناوەراستدا). 

م. محمد علي قەرەداغى، ئەكاديميا كوردى: ( كەسايەتييەكى ناسراوى كۆيە). 

پ.د.عماد عبدالسلام رؤوف ،زانكۆى سەلاحەددين: (مدارس كويە في العصر العثماني). 



دەستپێكردنى پانێڵەكان 

جوگرافياى كۆيە 

جوگرافياى كۆيە ناونيشانى پانێلى يەكەم بوو لە دانيشتنى دواى نيوەرۆى ڕۆژى يەكەمى كۆنفرانسى نێودەوڵەتى كۆيە لەڕەوتى شارستانييەتدا كەكاتژمێر ٢:٣٠خولەك دەستى پێكرد لە هۆڵى A سەرۆكايەتى زانكۆى كۆيە و لەلايەن پ.ى.د. ئاشتى سلام بەڕێوەبردرا و قسەكەرو بەشدارانى پانێل بريتى بوون لەمانە: 

پ..ى.د. رۆستەم سلام عزيز، م.ى. ڕەوەز ڕۆستەم حەمەدەمين، م.ى. موزەفەر كانەبى عومەر لەزانكۆى كۆيە: (پۆلێنكردنى رووپۆشى زەوى بۆ ناوچە گوندييەكانى قەزاى كۆيە بەبەكارهێنانى (GIS وRS). 

پ.ى.د. نالى جواد حەمەد ،زانكۆى كۆيە: (كاريگەرى لێژى ڕووى زەوى لەسەر ڕووبەرە داچێنراوەكان لە ناحيەى سەنتەرى قەزاى كۆيە بەسودوەرگرتن لە تەكنۆلۆژياى (RSوGIS). 

د. هيوا ئەمين جەلال ،زانكۆى كۆيە: (شيكردنەوەيەكى جوگرافى بۆگەڕەكەكۆنەكانى كۆيە). 

م.ى. بەهرە ڕەزا عوسمان،زانكۆى كۆيە: (گرنگترين كێشەكانى پەرەپێدانى كشتوكاڵ لە قەزاى كۆيەو چارەسەرى). 


شيعرى هاوچەرخ لە كۆيە 

شيعرى هاوچەرخ لە كۆيە ناونيشانى پانێڵى دووەمى دانيشتنى دواى نيوەڕۆى ڕۆژى يەكەمى كۆنفرانس بوو و كاتژمێر ٢:٣٠- ٤:٠٠ لە هۆڵى B سەرۆكايەتى زانكۆ بەڕێوەبردرا لەلايەن پ.ى.د. جلال انور سعيد، بەشداربووانى پانێلەكە هەريەكە لەمانە بوون: 

پ.ى.د. پەخشان سابير، زانكۆى سۆران: (كۆيە و شيعر: دووانەيەكى لێك دانەبڕاو بۆ ناسنامەى داهێنان- لێكۆڵينەوەيەكى سيمانتيكى ئيدراكييە). 

م. ڕێزان عوسمان مستەفا - زانكۆى سەلاحەددين ، كانياو عوسمان مستەفا – وەزارەتى پەروەردە: (زەينەب خان لەنێوان هاوكێشەى گۆرانى و كۆمەڵ و دەقدا- لێكۆڵينەوەيەكى ڕخنەيى شيكارى مێژووييە). 

م. ڕزگار عومەر فەتاح، زانكۆى كۆيە: (ڕۆڵى ئارام ساڵح لە بوارى ڕۆشنبيريدا- توێژينەوەيەكى وەسفى و شيكارى ڕەخنەييە). 

كاتژمێر ٤:٠٠ ى عەسرى هەمان ڕۆژ پسپۆڕانى بوارى شوێنەوار و تەلارسازى بە گەشتێك شوێنەوارەكانى كۆيەيان بەسەر كردەوە، هەروەك كۆمەڵێك چالاكى كلتورى و هونەرى لە باخى سەرەكى زانكۆ بەڕێوە چوون بەسەرپەرشتى رێكخراوى چەتر بۆ گەشەپێدان و بەشداريى هەريەك لە بەڕێوەبەرايەتى گەشتوگوزارى كۆيە، خانەى كولتورى لەپزێڕين ، ڕێكخراوى Zuiside، گرپى شاخەوانى هەيبەسوڵتان، سەنتەرى چالاكى گەنجانى كۆيە و بەهار ئيدريس. 

پ.د. چينزيا پاپى لە زانكۆكانى ئينسبرۆك – نەمسا و زانكۆى ئازادى بەرلين – ئەڵمانيا كە يەكێك بوو لە قسەكەرە سەكييەكانى كۆنفرانسەكە و پسپۆرى ئاركيۆلژى ميزۆپۆتاميايە دەلێت" ١٠ ساڵ بەر لەئێستا بڕيارمدا بێم بۆ كوردستان بۆ ئەنجامدانى پڕۆژەيەكى زانستى تايبەت بە بوارى شوێنەوار ناسى و مێژوويەكى دوورو درێژم لەگەڵ زانكۆى كۆيەدا هەيە ، ساڵى ٢٠١٠ لە پڕۆژەيەك لە ساتوقەڵا كارم دەكرد لەگەڵ زانكۆى كۆيە دواى ئەوە بڕيارماندا ڕووپێوێكى شوێنەوارناسى ئەنجام بدەين لە هەموو ناوچەكانى كۆيە لە ساڵى ٢٠١٥، بەم جۆرەش لەگەڵ هەريەكە لە بەڕێزان د. وەلى محمود سەرۆكى زانكۆى كۆيە و د. حەيدەر لەشكرى ياريدەدەرى سەرۆكى زانكۆى كۆيە و بەشەكەمان لە زانكۆى نەمسا ڕێككەوتتنێكمان واژۆ كرد بۆ فەراهەم كردنى هاوكارى لۆجيستى و بەڕێوەبردنى پڕۆژەكە ، هەروەك من پێشنيازى كردنەوەى خولێكى ڕاهێنانم كرد بۆ خوێندكارانى بەشەكانى مێژوو و جوگرافيا بە جۆرێك كە ڕاستەوخۆ لە شوێنى هەڵكۆڵين و كارى مەيدانى لەگەڵمانبن تاوەك و بەشێوەكى پراكتيكى شوێن و هەڵكەوتەكان بناسن و ئاشنابن بە چۆنييەتى دياريكردى خاڵ و هەڵكەوتەكان چۆنيەتى بەكارهێنانى نەخشەى جوگرافى و شوێنەوارى." 

پ.د. چينزيا پاپى لە وەلآمى پرسيارێك لەبارەى ناوەرۆكى وتارەكى لە كۆنفرانسەكەدا وتى" يەكەم كەس بووم قسەم كرد و تێيدا زانياريم بەخشى سەبارەت بە پڕۆژەكامان وسەبارەت بەوەى ئێمە بۆ لێرەين و چى دەكەين لە ساڵى ٢٠١٥ تا ئێستا و چۆن دەتوانين مێژووى كوردستان سەرلەنوێ بنوسينەوە، چونكە مێژووى ئەم ناوچەيە زۆر لەوە كۆنترە كە ئێوە دەيزانن بگرە لە ئيمپراتۆرييەتى سورياى كۆن زۆر كۆنترە و هەر بۆيەش دەتوانين بڵين ناوچەى كۆيە ناوچەيەكى فرە شارستانى و كولتورى جياوازە." 



ڕۆژى دووەمى كۆنفرانس 


ڕۆژى دووەمى كۆنفرانسى نێودەوڵەتى كۆيە لە ڕەوتى شارستانييەتدا لە ٢/٤/٢٠١٩ لە هۆڵەكانى زانكۆى كۆيە بەڕێوەچوو و دانيشتنى سەرلەبەيانى كاتژمێر ٩:٣٠ خولەكى بەيانى دەستى پێكرد و چەند بابەت و پانێلێكى لە خۆگرتبوو. 

شوێنەوار وەك سەرچاوەى مێژووى كۆيە 

پانێلى يەكەم بە ناونيشانى شوێنەوار وەك سەرچاوەى مێژووى كۆيە، لەلايەن پ.ى.د. كامەران محەمەدجەلال لە هۆڵى A لە سەرۆكايەتى زانكۆ بەڕێوەبردرا و قسەكەرەكانى هەريەك لە مانە بوون: 

م.ى.د. نرمين على محمد امين ،زانكۆى سەلاحەددين: (موقعا دير شيلا و دير ماربني –دراسة ميدانية). 

د.دڵشاد عەزيزمارف(دڵشاد زاموا)، زانكۆى سەلاحەددين: ( كرۆنۆلۆژياى مێژوو و شارستانييەتەكانى ناوچەى كۆيە لەژێر ڕۆشنايىنووسينە مێخييەكان و بەڵگە شوێنەوارييەكاندا). 

هێمن نعمان كاوێ.، فەرمانگەى شوێنەوارى كۆيە: (بينا كەلەپورييەكانى كۆيە- گرفت و ئاستەنگەكانى برەوپێدانيان). 

الارث اللغوي والفكري لاسرة جليزادة 

پانێلى دووەم بە ناونيشانى (الارث اللغوي والفكري لاسرة جليزادة) لە هۆڵى B لە سەرۆكايەتى زانكۆ لەلايەن د. ليث حازم محمودبەڕێوەبردرا و تەوەرو قسەكەرەكانيشى ئەمانە بوون: 

م.ى.د.أمير رفيق رفيق عولا الميفي ، زانكۆى سۆران: (مظاهر التفسير اللغوي في تفسير تاملا محمد كويي- سورة البقرة نموذجاَ). 

م.ى.د. هشيار زكي حسن، مركز ملاى گەورە للدراسات: ( خطاب مسعود محمدالساخر بين ماهية الحضور و فلسفة الغاية). 

م.ى.د. ضياء عبدالرزاق العاني، زانكۆى كۆيە: ( شعريَّة المفارقة في مقالات مسعود محمحد). 


ناوەندە ئايينيەكان و ڕۆڵيان لە بزاڤى زانستى كۆيە 

پانێلى سێيەم بو ناونيشانى(ناوەندە ئايينيەكان و ڕۆڵيان لە بزاڤى زانستى كۆيە) لە هۆڵى سەرۆكايەتى زانكۆى كۆيە لەلايەن پ.ى.د. كامەران عزيز، زانكۆى كۆيە بەڕێوەبردرا و قسەكەر و بابەتەكانى ئەمانە بوون: 

أ.د. جواد فقي علي : ( مساجد كوية و دورها في الحركة العلمية والثقافية) 

پ.ى.د. ئاراس محمد صالح، زانكۆى سلێمانى: ( بزاڤى خوێندن و زانستى شارى كۆيە لى سەدەى نۆزدەدا) 

م.م. عمر حسن سعيد، جامعة كوية: ( الملا الكبير محمد جليزادة وأثر قضائه في تنمية روح التعايش بين اللأديان والمعتقدات في كويسنجق- كۆيە) 

هونەرو سرود لە كۆيە 

پانێلى چوارەم بەناونيشان(هونەرو سرود لە كۆيە) نيوەڕۆ لە هۆڵى B سەرۆكايەتى زانكۆ لەلايەن د.ڕێزان صاڵح ، زانكۆى كۆيە بەڕێوەبردرا و قسەكەر و تەوەرەسەرەكييەكانى ئەمانە بوون: 

پ.ى.د.كەيفى احمد عبدالقادر، زانكۆى كۆيە: (مێژووى هونەرى ششانۆى كۆيە لەدەستپێكەوە تا ١٩٨٠) 

د.عبدالواحد ئيدريس شريف، زانكۆى كۆيە: ( هونەرمەند خالد دلێر خاوەنى چەپكێك ئاوازى سرود و گۆرانى) 

شێوازى تەلارسازى كۆيە 

پانێلى پێنجەم بەناونيشانى (شێوازى تەلارسازى كۆيە) لەهۆڵى د.نازم –فاكەڵتى ئەندازيارى لەلايەن پ.ى.د.ئازاد عطوف محمد رؤوف بەڕێوەبردرا و قسەكەرە كانى ئەمانەبوون: 

ژيرى عەزيز بايز، وەزارەتى شارەوانى و گەشتو گوزار، م.ى. وێژە عەزيز بايز ، زانكۆى كۆيە: ( شوێنەوارەكانى كۆيە بەژمارە: نۆژەنكردنەوەيان وەك كەرتێكى گەشتيارى بۆ مەبەستى ئابورى) 

م.ى. ديدار سەلام خۆشناو، زانكۆى كۆيە: (پاراستنى شارستانييانەى بەردەوام لە ناوچەى كولتوريدا- شارى كۆيە وەك نمونە) 

م. ڕەزا سەعيدفەرەج، زانكۆى سلێمانى، پ.ى.د. سەحەر باسل محمود، زانكۆى كۆيە: (ستايلى تەلارسازى عوسمانى لەشارى كۆيە- قەيسەرى كۆن وەك نمونەى توێژينەوە) 

د.لەيلا محمد رسول، زانكۆى نەورۆز-دهۆك: (چەند چارەسەرييەك بۆ پێشڤەچوونى بەردەوامى شارنشينى لە شارى دهۆك) 

م. مەنار نزار ئەحمەد، زانكۆى كۆيە: (پێوانى تايبەتمەندى دەنگى لە دوو مزگەوتى كوردستانى عيراق- كۆيەو ئاكرێ) 

كۆيە لەسەرچاوە مێژووييەكاندا 

پانێلى شەشەم بە ناونيشانى (كۆيە لەسەرچاوە مێژووييەكاندا) لە هۆڵى A سەرۆكايەتى زانكۆ لەلايەن پ.ى.د. هيواحميد شريف، زانكۆى كۆيەبەڕێوەبردرا و قسەكەرو تەوەرەكانيشى ئەمانەبوون: 

پ.ى.د. مهدى عوسمان هەروتى، زانكۆى كۆيە: ( ناديارى مێژووى كۆيە لەسەدەكانى ناوەڕاستدا) 

پ.ى.د. سامان حسێن احمد، زانكۆى سلێمانى: (كۆيە لە ڕوانگەى بەرهەمى گەڕيدە و مسيۆنەر و ديپلۆماتە بيانييەكانەوە) 

پ.ى.د. بختيار سعيد مولود، زانكۆى سەلاحەددين: ( شارى كۆيە لەساڵنامەى ويلايەتى موسڵى عوسمانى و كتێبى (قاموس الاعلام)ى شەمسەدين سامى) 

م. زانا طيفور عبدالصمد، پ.د. جواد فقي علي، زانكۆى كۆيە: ( مێژووى كۆيەو ناودارانى لەتەفسيرى مەلاى گەورەدا) 

ڕەهەندە كۆمەڵايەتى و ئابورييەكان 

پانێلى حەوتەم بەناونيشانى (ڕەهەندە كۆمەڵايەتى و ئابورييەكان) لە هۆڵى B سەرۆكايەتى زانكۆ لەلايەن پ.ى.د. كاوە على، زانكۆى كۆيە بەڕێوەبردرا و قسەكەرە سەرەكييەكانى هەريەك لەمانە بوون: 

د. هەتاو كريم خضر، م. هدى صباح نجم الدين لە پەيمانگاىتەكنيكى كارگێڕى هەولێر: ( ڕۆڵى توانستە كۆمەڵايەتى و كەلتورييەكان لەگەشەپێدانى گەشتيارى- لێكۆڵينەوەيەكى مەيدانى لە قەزاى كۆيە) 

د. عفاف يوسف نورى، م.م. ناديە عمر احمد لە جامعة التقنية – اربيل: (الواقع والطموح للطلب السياحي لدعم التسويق السيحي في قضاء كوية) 

د.اراز حكيم رضا لە زانكۆى كۆيەوە، م.ى. عباس شريف احمد لە زانكۆى كۆيەوە: ( توندو تيژى رەمزى symbolic violence و پەيوەندى بەكواليتى فێربوون Quality of Learning لاى خوێندكارانى زانكۆى كۆيە) 



گفتوگۆى كراوە لە بوارى تەلارسازى كولتوريدا 

پانێلى هەشتەم بەناونيشانى (گفتوگۆى كراوە لە بوارى تەىرسازى كولتوريدا) لەخانووى حاجى مجيد لەلايەن پ.ى.د. ئازاد عطوف محمد رؤوف بەڕێوەبردرا و تەوەر و قسەكەرەكانيشى هەريەكە لەمانە بوون: پ.د. زەينەب بەحرانى ، زانكۆى كۆلۆمبيا- ئەمريكا: (دەستنيشانكردنى كات لە ئامێدى) 

پ.ى.د. جۆرج كۆڕيا، زانكۆى مينۆ، پورتوگال: ( گيماريش لە بنەچەوە تا يونسكۆ- بەرەنگارييەكانى مێژووى شارستانى و كولتورى) 

ڕۆژى سێيەم و دوا ڕۆژى كۆنفرانسى كۆيە لەڕەوتى شارستانييەتدا ڕۆژى ٣/٤/٢٠١٩ بەڕێوەچوو و چەند پانێل و دانيشتنێكى لە خۆگرتبوو. 

ژيانى سياسى و ڕۆشنبيرى دەڤەرى كۆيە لەسەردەمى هاو چەرخدا 

پانێلى يەكەم بو ناونيشانى ( ژيانى سياسى و ڕۆشنبيرى دەڤەرى كۆيە لەسەردەمى هاو چەرخدا) لە هۆڵى A سەرۆكايەتى زانكۆ لەلايەن پ.ى.د. جەمال فتح اللە تەيب بەڕێوەبردرا و تەوەور و قسەكەرەكانى ئەمانەبوون: 

پ.د. سەروەر عبدالحمن عومەر، ئينستيوتى پەى بۆ پەروەردەو گەشەپێدان: ( بزوتنەوەى بەلشەفيكى لە كۆيە ١٩٢٠) 

م. هێرش كمال رێكانى، سەنترى قوبەهان بۆ ڤەكۆلينێنێن بەلگەنامەو دەستنڤيسان: ( كۆيە و نڤيسەرێن كۆيى د گۆڤارا (پێشكەوتن/ التقدم) دا ١٩٥٨-١٩٦٣) 

د. قارەمان نادر محمد، م. كاكەخان نەسرەدين ئەمين، زانكۆى كۆيە: (تەق تەق لەڕەوتى شارستانييەتدا لە نێوان ١٩٩١-٢٠٠٣) 

شێوەزارى كۆيە 

پانێلى دووەم بە ناونيشانى (شێوە زارى كۆيە) كاتژمێر ١١:٣٠ بۆ ١٢:١٥ لە هۆڵى A سەرۆكايەتى زانكۆ لەلايەن پ.ى.د. عومەر محمود كريم لە زانكۆى كۆيەوە بەڕێوەبردرا و بابەت و قسەكەرەكانى ئەمانە بوون: 

د. شێروان حسين حمد، م.ى. تاڤگە عمر صالح لە زانكۆى ڕاپەڕين: (چەند دياردەيەكى فۆنۆلۆژى لە گۆڤەرى كۆيەدا) 

د. صلاح حەوێز رەسول، زانكۆى كۆيە: ( هەندێ لە مۆرك و ئەو تايبەتمەندييانەى شێوەزارى كۆيە كە كۆييەكانى پێ دەناسرێنەوە) 

د.ڕۆژان نورى عبداللە ، م. شادان شوكر صابر، زانكۆى كۆيە: ( فەرهەنگى بەساڵاچووان لە شێوەزارى كۆيە) 

دانيشتنى داخراو لەبارەى ئەزموونى هەڵكۆڵين و تەلارى مێژوويى 

(دانيشتنێكى داخراو لەبارەى ئەزموونى هەڵكۆڵين و تەلارى مێژوويى) لە هۆڵى وۆركشۆپ- فاكەڵتى ئەندازيارى لەلايەن پ.ى.د. سەحەر باسل القيسي بەڕێوەبردرا و تێيدا وتارى دەستپێك لەلايەن پ.ى.د. سەحەر باسل القيسي پێشكەشكرا و پاشان تەوەرەكانى پانێلەكە پێشكەشكران بەم جۆرەى خوارەوە: 

پ.د. چينزيا پاپى، زانكۆى ئينسبروك – نەمسا و زانكۆى ئازادى بەرلين ئەلمانيا: (ئەزموونى هەڵكۆڵين لە كۆيە) 

عەلى مەهدى سەلمان ، جونەيد ئەمير ، ڕێكخراوى Ziusudra: ( ئەزموونى ڕێكخراوى Ziusudra) 

محمد قاسم الحسنى ، زانكؤى فارابى – بةغداد: ( پڕۆژەى گەشتى ناوەندى شارى بەغداد) 

لە كۆتاييشدا لە ڕێو ڕەسمێكدا لە هۆڵى سەرۆكايەتى زانكۆ، كۆتايى بە كۆنفرانسى نێودەوڵەتى كۆيە لە ڕەوتى شارستانييەتدا هێنرا.

ئا:سامان نەسرەدين
وێنەكان: دڵشاد كاكەڕەش
Comments