وەرگرتن بە سيستەمى ڕاستەوخۆى زانكۆيى دەست پێدەكات

News #03, Issue 32Augest 2017| Núcey #03, Jhimarey 32, Mangí 8 Sallí 2017| نوچەی 3، ژمارەى 32 مانگی 8 ساڵی 2017



بەڕێوەبەرايەتى تۆمارگاى گشتى زانكۆى كۆيە لە بارەى وەرگرتنى خوێندكاران بەشێوەى سيستەمى راستەوخۆيى زانكۆيى ئاگادارينامەيەكى بڵاوكردەوە بەم شێوەيەى خوارەوە


ئاگادارى 

ئاگادارى سەرجەم خوێندكارانى دەرچووى ئامادەييەكان (خولى يەكەم و دووەم ) دەكەينەوە، كە زانكۆى كۆيە دەرگاى وەرگرتن بەسيستەمى ڕاستەوخۆى زانكۆيى دەكاتەوە، خوێندكاران دەتوانن لە ڕۆژى سێ شەممە بەروارى ( ١٥ / ٨ / ٢٠١٧ ) سەردانى ئەم فاكەڵتى و بەشانە بكەن كە خوازيارن تيايدا وەربگيرێن بەمەبەستى تۆماركردنى ناوەكانيان، وە پێويستە خوێندكار لەكاتى چوونى بۆ بەش (ژمارەى ئەزموونى و ئەنجامى پۆلى دوانزەى) پێشكەش بكات. هەروەها مەرجە خوێندكار كۆنمرەى لە (٦٥) كەمتر نەبێت و تەمەنى لە (٣٠) ساڵ زياتر نەبێت دەرچووى ئامادەيى بێت لەساڵى خوێندنى ٢٠١٦-٢٠١٧ ، ياخود دورچووى پارساڵ بێت (٢٠١٥-٢٠١٦) بەمەرجێك لەهيچ زانكۆيەكى حكومى يان ئەهلى وەرنەگيرابێت. 

ئەم بەشانەى كە خوێندكار بەسيستەمى ڕاستەوخۆ وەردەگرن ئەمانەى خوارەوەن: 

يەكەم/ فاكەڵتى زانست و تەندروستى 

١-بەشى فيزياء. 
٢-بەشى ماتماتيك ( پێويستە خوێندكار دەرچووى لقى زانستى بيت، نمرەى وانەى ماتماتيكى لە (٦٤%) كەمتر نەبيت) لە خولى يەكەم يان خولى دووەم. 


دووەم/ فاكەڵتى زانستەمرۆڤايەتى و كۆمەڵايەتيەكان 

١-بەشى كارگێڕى. 
٢-بەشى ژمێريارى ( پێويستە خوێندكار دەرچووى بەشى زانستى بێت). 


سێهەم/ فاكەڵتى پەروەردە 

١-بەشى كوردى (خوێندكار نمرەى وانەى زمانى كوردى لە ( ٦٠%) كەمتر نەبێت لەخولى يەكەم يان دووەم). 
٢-بەشى عەرەبى (خوێندكار نمرەى وانەى زمانى عربي لە ( ٦٠%) كەمتر نەبێت لەخولى يەكەم يان دووەم). 
٣-بەشى ئينگليزى (خوێندكار نمرەى وانەى ئينگليزي لە ( ٦٤%) كەمتر نەبێت لەخولى يەكەم يان دووەم). 

٤-بەشى مێژوو. 
٥-بەشى جوگرافيا. 
٦-بەشى پەروەردەى ئايينى. 
٧-بەشى پەروەردەو دەرونزانى. 



د.شوان عمر خضر 
بەڕێوەبەرى تۆمارگاى گشتى
Comments