وەفدێكى زانكۆى كۆيە بەشدارى لە كۆڕبەندێكى جيهانى دەكات لە وڵاتى ڕوسيا

News #05, Issue 21Sep 2016 | Núcey #05, Jhimarey 21, Mangí 9 Sallí 2016 | نوچەی 5، ژمارەى 21 مانگی 9 ساڵی 2016



وەفدێكى زانكۆى كۆيە بەشدارى لە كۆڕبەندى جيهانى زانكۆكانى كە پسپۆڕى سروشتيان هەيە دەكات لە شارى سانپترسپۆرگ لە وڵاتى ڕوسيا.

وەفدەكەى زانكۆى كۆيە پێك هاتووە لە بەڕێزان پ.ى.د.وەلى مەحمود حەمەد سەرۆكى زانكۆ و پ.ى.د.محەمەد حەسيب زەنگەنە ڕاگرى فەكەڵتى ئەندازيارى و لەسەر بانگهێشتنى زانكۆى Mining University بەشدارى لە كۆڕبەندەكەدا دەكەن.

لەم كۆڕبەندەدا كە ڕۆژانى ٢٨-٣٠/ ٩/ ٢٠١٦ بەردەوام دەبێت، ١٢٠ زانكۆ بە نوێنەرايەتى ٦٠ وڵاتى جيهان بەشدارن تێيدا و بۆ يەكەمجارە وەفدێك لە كوردستان و وڵاتى ئێراقەوە بەشدارى تێدا بكات.

كۆڕبەندى سانپترسپۆرگ چوارەمين كۆڕبەندە لە دواى كۆڕبەندى ئەڵمانيا، يابان، نەمسا ئەنجام دەدرێت.

ئەم كۆڕبەندە دەرفەتێكى گرنگە بۆ ديدار و چاوپێكەوتنى نێوان زانكۆكان و دروستكردنى پەيوەندى ئەكاديمى لە نێوان زانكۆكاندا.


لە خوارەوە ئەجێنداى كۆڕبەندەكە بخوێنەوە.

ئامادەكردنى : ژوورى هەواڵ
Comments